ज्ञानदेवा मौन 

जपमाळ अंतरी 

धरोनी श्रीहरी 

जपे सदा ... 

हा नामाचा पवित्र ध्वनी सतत उत्पन्न व्हायला हवा. जेव्हा बाहेर नाम घेणे शक्य नाही तिथे किमान मनात तरी हा ध्वनी चालू हवा. 

ह्या प्रयोगात दाखवल्याप्रमाणे घड्याळाची टिकटिक विशिष्ट अंतरानंतर ऐकू येत नाही. त्यासाठी ध्वनी एकाच दिशेने वाहणे आवश्यक आहे. यासाठीच या प्रयोगात जशी रबरी नळी वाहक म्हणून वापरली आहे, तशीच आपल्या विश्वासाची आणि अनन्यतेची नळी कायम आपल्याकडे हवी. यामुळेच आपण "त्या"च्याशी अधिकाधिक जोडले जाऊ शकू. त्याच्याशी या नळीसारखे कायमचे कनेक्शन जोडले जाऊ शकेल. 

ह्या प्रयोगात घड्याळाची टिकटिक ही अंतरात्म्याची त्या परमात्म्याला घातलेली साद आहे. बापू म्हणतात तसे ह्रदयाचे धडकणे (लब-डब) ही परमशिवाला घातलेली हाक आहे. म्हणूनच रोहिल्याप्रमाणे त्याला कायम हाक मारून भक्तीभाव चैतन्यात रममाण होऊया !!